Saturday, September 19, 2009

അത്

പുഴക്കരയിലൂടെ ഒറ്റക്കു
നടക്കുമ്പോൾ
ഉള്ളിൽ നിന്നെന്തോ
വെള്ളത്തിലേക്കു തെറിച്ചല്ലോ
എന്തെന്നു തിരിച്ചറിയും മുൻപേ
കുമിളകൾ മാത്രം ബാക്കിയാക്കി
അതെവിടെപ്പോയ്

കുതിച്ചു പായുന്നു
മീനുകൾ പിന്നാലെ
പുഴ ഓർമകൾ പോൽ
ഒഴുകി മറിയുന്നു.

ഏതെങ്കിലും ചൂണ്ടയിൽ,
വെള്ളത്തിൽ പിടയ്ക്കും
നിലാവിന്നുടലിൽ
അതു പറ്റിപ്പിടിച്ചിരിക്കുമോ?

പുഴയൊഴുകി കടലിൽ ചേരും
വീണു പോയ എന്തോ ഒന്നിനെ
ചിലപ്പോൾ മീൻ തിന്നും
അല്ലെങ്കിൽ കരയ്ക്കടിയും

വലയിൽ കുടുങ്ങിയ മീനിനെ
പെൺകുട്ടി മുറിക്കുമ്പോൾ,
മണൽ‌പ്പരപ്പിലൂടെ മറ്റൊരുവൾ
സ്വപ്നവുമായി നടക്കുമ്പോൾ
അവർക്കു കിട്ടുമായിരിക്കും
ആ എന്തോ ഒന്ന്

അവരതിനെ കൈയിലെടുത്തൊന്നു
നോക്കിയാൽ മതി
ഞാനൊരു നക്ഷത്രമായി
ഉദിച്ചുയരുവാൻ.



5 comments:

അബ്ദുസ്സലാം said...

വലയിൽ കുടുങ്ങിയ മീനിനെ
പെൺകുട്ടി മുറിക്കുമ്പോൾ,
മണൽ‌പ്പരപ്പിലൂടെ മറ്റൊരുവൾ
സ്വപ്നവുമായി നടക്കുമ്പോൾ
അവർക്കു കിട്ടുമായിരിക്കും
ആ എന്തോ ഒന്ന്

പുതു കവിത said...

kollaam..........

bhoolokajalakam said...

hum.......kollaaaam

മഴക്കിളി said...

പുഴക്കരയിലൂടെ ഒറ്റക്കു
നടക്കുമ്പോള്‍
ഉള്ളില്‍ നിന്നെന്തോ.......

J Binduraj said...

HeY, Dushyanth, Om hreem ORMAVARATTE :)